Јапонските власти објавија дека вонредната состојба во државата поради коронавирусот во Токијо и на 18 други области, ќе биде продолжена до крајот на септември бидејќи притисокот на здравствениот систем и понатаму е голем, пренесува Ројтерс.

Вонредната состојба, која требаше да трае до крајот на неделава, најпрвин беше воведена во мај во Окинава, а потоа постепено се прошири и во другите области.

И покрај долгото траење на вонредната состојба, мерките не ги даваат посакуваните резултати бидејќи исцрпените граѓани сe повеќе ги игнорираат, имајќи предвид дека нивната примена е доброволна.

Бројот на нови инфекции во Јапонија во претходните денови падна, но бројот на сериозно болни лица е се уште висок, поради што болниците се полни.

Премиерот Јошихиде Суга ги повика граѓаните да продолжат да работат од дома и да ги почитуваат другите мерки за социјално дистанцирање.

Суга не го издржа притисокот, јапонскиот премиер по една година се повлекува од функцијата