Јанева: Ние сме професионалци
Ние сме професионалци. Се надеваме дека цел тим ќе останеме уште еден мандат да работиме. Тоа ни е желба. Ги поддржувам сите мои колеги. Имаме уште две места кои се ослободени, посочи денеска специјалната обвинителка, Катица Јанева. Според одлуката на Советот на јавни обвинители, како што нагласи таа, имаме право уште двајца колеги да бидат дел од тимот.
– Мислам дека тоа ќе биде во ингеренции на Советот за јавни обвинители. Ние знаете дека во моментот кога бевме избрани јас и мојот тим пред 3,5 години, не калкулиравме со тоа да останеме трајно – нагласи Јанева.
Иако имаме индиции како се случувале Кумановските настани, немаме најдено телефонски разговори за да воспоставиме надлежност врз предметот, рече Јанева, одговарајќи на новинарско прашање околу предистражната постапка за случајот. Јанева додаде дека преземањето на тој предмет од страна на СЈО засега е неизвесно.