Денеска во 13 коло од кошаркарскиот Еврокуп екипата на Тренто загуби на гостувањето кај Турк Телеком со резултат 92:86.

Најефикасен за турската екипа беше Американецот К. Бенкстон со 14 поени, следен од Канаѓанецот К. Александер со 13 поени.

На спротивната страна кај поразените Американецот П. Олдриџ и литванскиот интернационалец М. Јогела запишаа по 16 поени.

Македонскиот репрезентативец Андреј Јакимовски за италијанскиот претставник за 21:17 минути на паркетот имаше шест поени, три скока и една асистенција.

После шестиот пораз сезонава Тренто е на петтото место во групата Б, веднаш зад Турк Телеком на четвртата позиција.

Во следното кол Тренто на 13 јануари ќе го пречека грчкиот Паниониос, додека Турк Телеком следниот ден е домаќин на Лондон Лајонс од Англија.