КУЛТУРЕН ПЕЧАТ број 206, во печатеното издание на весникот „Слободен печат“ (25-26.11.2023), во својот стандарден формат на осум страници меѓу содржините од областа на уметноста и културните настани има:

– интервју со архитектот Антонио Грујевски: Градовите мора да се зелени, позитивни и прогресивни

– разговор со Маркета Фантова, уметничка директорка на Прашкото квадриенале: Своите идеи сценографите ги пренесуваат преку цртеж

– визуелната поетика на харизматичниот сликар Јордан Манасијески е претставена во луксузно опремена монографија

– меѓународниот центар „Арт поинт – Гумно“ од с. Слоештица со ретроспективна изложба гостува во МКЦ во Скопје

– во галеријата „Галатека“ во Букурешт е поставена изложбата „Над црното“ на Мице Јанкуловски

– изложбата „Помеѓу“ на Славица Јанешлиева е поставена во галеријата „Драгутин Аврамовски – Гуте“ на ФЛУ при УКИМ во Сули ан

– во галеријата на Домот на култура „АСНОМ“ во Гостивар е поставена изложбата „Страв од НЕпознатото“ на Христина Марковска

– на младинската сцена на Театар за деца и младинци се одржа премиерната изведба на претставата „Како ќе го делиме мачорот?“ во режија на Јане Спасиќ

– претставата „Кенди“ на независниот театар „Златен Елец“ на 48. МОТ ја доби наградата „Биш“ за најдобра независна театарска продукција во 2023 година

– наградата за најдобра режија во програмската секција „Envision“ на ИДФА во Амстердам ја доби Кумјана Новакова за нејзиниот филм „Молкот на разумот“

– во издание на „Студентски сервис“ излезе книгата „Живот меѓу графитни игри и луд ветар“ на проф. д-р Милан Јазбец и м-р Надица Караколева

– во Градската библиотека „Браќа Миладиновци“ во Скопје на 21 ноември беше промовирана книгата „Под остар агол“ од Виктор Танасковски

– македонската поетеса Наташа Сарџоска за делото „Часови по измама“ во Риека доби награда за поетска книга објавена надвор од Хрватска.