Излезе „Културен печат“ број 102 во весникот „Слободен печат“
КУЛТУРЕН ПЕЧАТ број 102, во печатеното издание на весникот „Слободен печат“ (23-24.10.2021), во својот стандарден формат на осум страници го отвораме со фотографии од 40. Скопски џез фестивал, што од 20 до 24 октомври се одржува во Скопје, а меѓу содржините од областа на уметноста и културните настани има:
– интервју со поетот, писател и мислител Тихомир Јанчовски: Конечно научив да постојам во сегашниот момент
– разговор со пијанистката и поетеса Ива Дамјановски: Ме воодушевува поетичноста на свирењето на инструментот теремин
– театарски осврт кон претставата „Работи за кои не зборуваме“ во МНТ: Анонимно олеснување на душата
– филмскиот фестивал „Киненова“ се враќа во кино
– сликарот Мице – Мицко Јанкуловски на уметничкото биенале во Ларнака ја доби наградата „Најдобар уметник“
– македонската уметница Марија Павловска со делото „Госпоѓа и Госпоѓица Х“ e селектирана за учество на престижното 13. Биенале во Фиренца
– Културниот центар „Битрикс“ го одржа седмото издание на Интернационалниот танцов камп и фестивал „Битрикс танцова лига“
– ретроспективна изложба на сликарот и академик Васко Ташковски е поставена во Даут-пашин амам
– шестата самостојна изложба на Лазе Трипков со наслов „Pефлексии на новата реалност“ е поставена во Мала станица
– изложба на цртежи и колажи со наслов „Љубовници во пандемија“ на Јана Манева-Чупоска е отворена во Националниот музеј на Војводина во Нови Сад
– изложбата „До хоризонталната линија“ на Михаела Јовановска и Александар Зафировски е отворена во „Зест галерија“ во Стокхолм
– сеќавање на поетот и писател Србо Ивановски, еден од најзначајните македонски книжевни автори
– драмскиот писател, драматург и колумнист Братислав Димитров ја објави книгата со колумни „Дремка за двајца“
– Здружението за уметност и култура на живеење „Израз“ ја објави книгата „Кој ќе ги изброи пчелите“ од Енес Халиловиќ
– издавачкиот центар „Три“ во рамките на едицијата „Читаме заедно“ го објави романот „Тажниот гостин“ од Матијас Наврат.