Општина Бутел продолжува со реализација на проектот за изградба нови фитнес зони.  Во дворот на основното училиште „Св. Климент Охридски“ комплетно е изградено уште едно ново фитнес игралиште.

На површина од 100 м2 фитнес зоната е комплетно опремена со потребните реквизити за сите корисници да дојдат до подобра физичка кондиција и подобрена здравствена состојба. Реквизитите се едностави и безбедни за употреба и за почетници, како и за искусни корисници и заштитени од оштетувања при нормална употреба – соопшти градоначалникот Дарко Костовски.

Неодамна фитнес игралиште е изградено и во дворот на ОУ „Гоце Делчев“ во Љубанци. На површина од 100 м2 фитнес зоната е опремена со сите потребните реквизити.