Актерката драстично го промени изгледот по тешка дијагноза.

Во промената на имиџот и помогна седумгодишниот син бидејќи актерката многу нешта повеќе не може да ги направи сама поради страшната болест.

Откако минатата година отворено проговори за дијагнозата мултипла склероза, поради која ги паузираше кариерата и снимањата, Селма Блер (46) редовно ги известува следбениците на Инстаграм за својата здравствена состојба.

Меѓу последните објави е фотографијата на која синот Артур Сент (7) и помага да се ишиша кратко.

https://www.instagram.com/p/BytK0sTnRAG/?utm_source=ig_embed

„Изгледаш прекрасно. Колку за него е важно што ти ја средува фризурата. Дефинитивно ова е спомен за него“, гласи еден од мноштвото коментари.

Инаку, актерката не ни помислила дека е болна туку дека е исцрпена и уморна. Сепак, била на бројни прегледи и ја дознала вистинската состојба. Зад неа се бројни терапии, а за прв пат во јавноста се појави на доделувањето на Оскарите. Црвениот тепих го прошета со бастун.