Испуши 250 цигари за 10 минути, две години не зборуваше со Зидан!
Екс членот на Баерн Минхен и поранешен француски репрезентативец беше многу разочаран после финалето на Мундијалот пред 14 години.
Своевремено играч во делот на одбраната, Вили Сањол откри дека две години не зборуваше со Зинедин Зидан после поразот во финалето на Светското првенство во 2006 година.
Франција во финалето на Светското првенство загуби од Италија после пеналите. Помеѓу моментите кои го одбележаа натпреварот е и црвениот картон кој го доби Зидан откако го удри Марко Матераци со глава.
Sanyol on the famous Zidane bunt: I smoked 250 cigarettes in 10 minutes and interrupted him two years! https://t.co/S5A86bkGgA pic.twitter.com/gI0NyDWqpB
— Saudi 24 News (@Saudi24N) April 11, 2020
– Влеговме во соблекувалната, загубивме. Имаше тука човек кој зборуваше, се извинуваше. Но, не можев да го слушам. Бев разочаран. Не сакав да го слушам неговото извинување, ни да зборувам со него. Отидов во тоалет, испушив 250 цигари за 10 минути – се потсети поранешниот фудбалер на Баерн, Сањол.
Во 2006 година „Галските петли“ поведоа со голот на Зидан од белата точка, а потоа Матераци во дресот на „Аѕурите“ донесе израмнување.
– Две години не разговарав со Зидан. После Европското првенство во 2008 година се оженив. Мојата сопруга ми рече да му се јавам. После тоа сè си беше нормално – додаде Сањол.
