Претседателот на Светската фудбалска федерација (ФИФА), Џани Инфантино изјави дека ќе предложи по еден стадион во секоја земја да го носи името на Пеле.

Инфантино е во Бразил каде Пеле ќе биде погребан утре. Бразилецот почина пред четири дена на 82-годишна возраст.

– Ќе предложам секоја земја во светот да именува еден од своите стадиони по Пеле – изјави првиот човек на ФИФА од Бразил.

Ковчегот со смртните останки на Пеле рано утринава по локално време беше доставен на стадионот Сантош, каде што ќе биде јавно изложен.

„Сите ние кои ја сакаме оваа прекрасна игра се надевавме дека нема да дојде овој ден. Денот кога го загубивме Пеле. Неговиот живот беше поголем од животот на обичен фудбалер. Тој ги промени перцепциите на подобро во Бразил, Јужна Америка и во целиот свет. Неговото наследство е невозможно да се сумира со зборови – рече Инфантино.

Ковчегот со телото на Пеле беше пренесен на стадионот на Сантош