Поради епидемијата на коронавирусот се одложуваат многу спортски натпреварувања, а помеѓу нив и Европското фудбалско првенство (за 2021) кое што требаше ова лето да се одржи во дури во 12 градови.

Одложени се и бараж мечевите во УЕФА Лигата на нации за учество на континенталниот собир, а помеѓу нив и дуелот помеѓу репрезентациите на Македонија и Косово.

Пред да бидат преземени мерките и донесени одлуките за заштита од вирусот, многу репрезентативци во текот на 2019 и почетокот на 2020 година се најдоа под знак прашалник дали ќе настапат за своите селекции на ЕП.

Голем број на играчи беа повредени и скоро тргнати од составите на селекторите, но после одлуката на УЕФА, сега има и фудбалери кои се радуваат поради одложувањето на големиот настан.

Секако од една страна се жали поради одложувањето на ЕП, а еве ја листата на фудбалери кои требаше да го пропуштат овој настан годинава: Николо Заниоло (Италија), Хари Кејн (Англија), Усман Дембеле (Франција), Еден Азар (Белгија), Марко Асенсио (Шпанија), Лерој Сане (Германија), Мерих Демирал (Турција), Мемфис Депај (Холандија), Никлас Зуле (Германија), Ченк Тосун (Турција) и Стивен Бергвијн (Холандија).

Тие сега ќе имаат шанса во целост да се опорават до почетокот на новата сезона и со надеж дека ќе се опорават од тешките повреди и бидат подготвени за ЕП наредното лето 2021.

УЕФА им даде предност на лигашките натпреварувања кои треба да завршат до 30 јуни оваа година.