И Забрчанец во самоизолација поради контактот со Зекири
Во самоизолација поради дебатата во четвртокот со Мухамед Зекири е и новинарката Душица Мрѓа од Телевизијата 24, додека другиот соговорник, Игор Јанушев од ВМРО-ДПМНЕ соопшти дека неговиот коронатест е негативен.
По веста дека другарот Мухамед Зекири има позитивен Ковид-19 тест, на препорака на епидемиолозите од денес сум во домашна самоизолација, соопшти националниот кординатор за стратегиски комуникации Марјан Забрчанец на „Фејсбук“.
-Со Зекири бев на состанок одржан во четвртокот попладне, на 1.5 м растојание, со заштитна маска и со соодветна дезинфекција пред и после состанокот. Секако, заради избегнување и најмал ризик, ќе ја спроведам препорачаната самоизолација. Немам никакви симптоми, а ќе се тестирам во текот на неделата. На Мухамед и семејството им посакувам брзо оздравување. Сите да ги почитуваме доследно мерките и препораките на епидемилозите и на тој начин да се заштитиме самите себе и сите околу нас, напиша Забчанец, напиша тој.
Претходно денеска, поранешниот пратеник на СДСМ Мухамед Зекири, на својот Фејсбук профил објави дека тој, неговата сопруга и тримесечна ќерка се позитивни на Ковид-19..
Во самоизолација поради дебатата во четвртокот со Мухамед Зекири е и новинарката Душица Мрѓа од Телевизијата 24, додека другиот соговорник, Игор Јанушев, генералниот секретар на ВМРО-ДПМНЕ денеска соопшти дека се тестирал од коронавирус и неговиот резултат е негативен.