Организарот на следниот гренд слем турнир, Ролан Гарос планира да ги следи стапките на Вимблдон и да им забрани настап на руските и белоруските тенисери и тенисерки.

Новинарот Стјуарт Фрејзер пишува дека во Франција се чекаше исходот од претседателските избори на кои победи Емануел Макрон за да започне со притисоците кон организарот на Ролан Гарос кој треба да им забрани настап на руските и белоруските тенисери и тенисерки.

Наводно, француските власти ќе започнат со притисоци кон организаторот на следниот гренд слем турнир да не дозволи учество на тенисерите од овие две земји поради војната во Украина.

Дека политиката навлегува во спортот покажува и притисокот што го врши италијанскиот премиер Марио Драги врз организаторот на Мастерсот во Рим исто така да им стави рампа на руските и белоруските тенисери. Засега организаторот на Мастерсот одбива да го стори тоа и ги почитува правилата на АТП и ВТА за немешање на политиката во спортот.