Модниот синџир „Скоч и Сода“, со седиште во Амстердам, мора да поднесе барање за стечај. Ова е резултат на „сериозни проблеми со готовинскиот тек“ поради карантинот за време на пандемијата, високите цени на енергијата и инфлацијата, пренесуваат германските медиуми, објави Н1 Инфо.

„Скоч и Сода“ е основана во Амстердам во 1985 година. Компанијата произведува облека за мажи, жени и деца, како и додатоци и парфеми, а моментално има 246 сопствени филијали и околу 7.000 продавници во стоковните куќи ширум светот, пренесува списанието Феникс. „Скоч и Сода“ има најмногу филијали во Германија и Велика Британија, поточно во секоја земја има по 40 продавници. Странските операции сè уште не се погодени од банкротот, а 31 филијала во Холандија ќе останат отворени.

Пик & Клопенбург (П&К) со седиште во Дизелдорф, исто така, поднесе барање за несолвентност на почетокот на март, а предизвиците на компанијата се слични на оние на „Скоч и Сода“. Во П&К, сите 67 продажни места во Германија ќе останат отворени без ограничувања, а клиентите ќе можат да продолжат да купуваат во онлајн продавницата. Сепак, дефинитивно ќе има некои промени. Модниот синџир Aдлер веќе го направи тоа. Стечајната постапка требаше да биде отворена во јули 2021 година, по што Адлер воведе нов сопственик и финансиер.

По речиси две години, модниот синџир се концентрира на своите 130 филијали, стационарниот бизнис е стабилен. Шефот на Адлер, Симон Шретер повеќе не очекува големи случувања од онлајн тргувањето. Високи трошоци, мал профит – вака може да се сумира онлајн бизнисот на модните синџири.