Во дворот на семејството Вукоје од Хрватска овие денови навистина е весело. Иван Вукоје се сетил еден од своите девет камиони, кои ги има заедно со неговиот татко во нивната семејна фирма, да го направи базен за летни лудории.

– Превезуваме житарки, но жетвата и превозот веќе завршија, па во моментов разнесуваме слама по фармите, но решивме и малку да одмориме. Овој камион го користиме исклучиво за превоз на камен, но сега нема работа за него, па затоа тој е паркиран, вели Иван.

Тој вели дека идејата за голем базен во приколка ја добил од социјалните мрежи.

– Мојата жена веќе неколку дена ми зборуваше да купам базен за децата да се бањаат во дворот, но јас дојдов до друга одлична идеја. Го собрав друштвото и секој даде по некоја своја идеја, како да го изведеме тоа. Мојата сопруга ми кажа дека сум луд, но на крајот кога виде како излезе базенот, сега е задоволна, раскажува Иван Вукоје.

Во базенот не собира само деца, туку и чадори за сонце, два конпои, столици и шанк со ладни пијачки за возрасните. Се што е потребно за журка на базен.

– Напишавме на него „Covid20 ProLevel”, со цел базенот да има име и да ја одбележи целава ситуација што во моментов се случува. Најдоброто е што базенот е во самата приколка од камионот и можеме да го носиме каде сакаме. Во петок сакаме да го однесеме пред нашето кафуле, да викнеме и диџеј и да си направиме забава, изјави тој.

Откако го поставив базенот на социјалните мрежи сите ме прашуваат колку наплатувам карта, но јас не наплатувам, сакам сите деца и повозрасни од околината да се соберат, да има каде да се бањаат, да има забава, да заборавиме на грижите, појасни Иван.