Храбра трудница на фронтот во борбата против шумските пожари во Австралија
Пожарите кои ја пустошат Австралија направија огромна материјална штета, а бројните пожарникари со денови се обидуваат да ја „стават под контрола“ огнената стихија. Меѓу нив е и младата Кет Робинсон Вилијамс, која се наоѓа во четврти месец на нејзината бременост.
Токму поради својата состојба се најде на цел на критичарите, а за оние кои не ја поддржуваат има само една порака: „Не ми е гајле ако не ви се допаѓа“.
Таа на социјалните мрежи постави неколку фотографии од кои може да се забележи дека се наоѓа во „срцето“ на борбата против шумските пожари во сојузната австралиска држава Нов Јужен Велс.
Во Нов Јужен Велс (НЈВ) и Квинсленд избија повеќе од 150 помали шумски пожари кои се проширија кон источниот брег.
Во пожарите загинаа три лица, а повеќе од нив се повредени, вклучувајќи и 13 пожарникари.
– За сите жени кои се на терен сега во НЈВ. Заедно сме и стоиме гордо. Да, јас сум пожарникар, не, не сум маж. Женско сум и да, бремена сум, и да одам да ги гасам пожарите и добро сум, не сакам да останам во позадина – напиша таа под една фотографија на Инстаграм, на која може да се види снимката од нејзиниот ултразвук.
https://www.instagram.com/p/B4rZIhchpWp/?utm_source=ig_web_copy_link
Како што наведе, таа одлучила да реагира откако ја критикувале некои пријатели кои ѝ рекле да престане да работи поради тоа што е бремена.
Инаку, во пожарите изгореа или и понатаму горат 1,1 милиони хектари земја. Во НЈВ се евеакуирани повеќе од 300 домови, а прогласена е и вонредна состојба.