Полскиот ски скокач, Пјотр Зила, имаше стравичен пад на денешниот настап во Светскиот куп во Висла. За време на првиот дел од натпреварувањето кое се одржуваше на 90-метарска скокалница, Зила при доскокот ја изгуби рамнотежата и почна неконтролирано да лизга и кога застана целото лице му беше облеано во крв.

Лекарите веднаш дојдоа до Зила чие лице било крваво, а според извештаите, тој бил во бесознание.

Puolalainen mäkihyppääjä Piotr Zyla kaatuu ensimmäisen kierroksen hyppynsä alastulossa Wislan maailmancup-osakilpailussa (24.11.2019). pic.twitter.com/jv4CfdLYBb

— Sporttigiffit (@SporttiGIF) November 24, 2019

Сепак, бронзениот од СП 2017 година, успеа да дојде при свест и сам да ја напушти скокалницата, а медиумите во Полска објавија дека тој имал исеченици на лицето и усната и дека одбил лекарска помош во возилото за инта помош.

– Зила се сеќава на секој детал од несреќниот пад и чувствува дека е се во ред со него. Најважно е што нема никакви сериозни последици по него – изјави лекарот на полската репрезентација во ски скокови, Александер Виниарски.