Холивудска кражба: 80 маскирани лица ги испразниле продавниците во Калифорнија
Десетици разбојници со скијачки маски упаднале во самопослуга недалеку од американскиот град Сан Франциско. При големите грабежи има тројца полесно повредени работници и двајца уапсени крадци.
Портпаролот на полицискиот оддел на Волнут Крик, калифорниски град кој припаѓа на заливот Сан Франциско, изјави дека околу 80 луѓе учествувале во грабежот на продавницата на синџирот „Нордстром“. Полицијата досега уапсила двајца, пренесува Ен-Би-Си њуз.
Според очевидци, грабежот не траел повеќе од една минута, а осомничените дошле на местото со 25 автомобили, блокирајќи ја улицата за време на инцидентот.
#Breaking About 25 cars just blocked the street and rushed into the Walnut Creek Nordstrom making off with goods before getting in cars snd speeding away. At least two people arrested at gunpoint. pic.twitter.com/AG3R94M9L3
— Jodi Hernandez (@JodiHernandezTV) November 21, 2021
Еден работник во продавница бил испрскан со бибер, а двајца биле удирани со тупаници и клоци.
Кај сите тројца биле констатирани полесни повреди, па немало потреба од хоспитализација.
Според портпаролот на локалната полиција, одземена е неутврдена количина на стока.