Холандски новинар му го побара пасошот на Модриќ да провери колку години има
Лука Модриќ ја предводеше Хрватска до финалето од уште едно големо натпреварување откако вчера ја совладаа Холандија во полуфиналето од Лигата на Нации.
Хрватскиот играч за врска во септември ќе наполни 38 години, но тоа не го спречува да игра на највисоко ниво, а вчера на теренот помина 119 минути. Модриќ беше заменет во финишот од второто продолжение кога Хрватска веќе го одлучи натпреварот и обезбеди триумд со 2:4.
Натпреварот 37-годишниот фудбалер го заврши со гол и асистенција и уште еднаш докажа дека може да игра врвен фудбал и покрај годините. По натпреварот интересна сцена беше видена во микс-зоната каде што холандски новинар го побара пасошот на Модриќ.
„Дајте ми го ве молам вашиот пасош. Затоа што неверојатно е да имате 37 години и вака да трчате 119 минути“, се обрати новинарот кон Модрииќ.
Со насмевка Модриќ одговори:
„Нема проблем! Ако сакате ќе ви го покажам после интервјуто. Да, мојот пасош покажува дека имам години колку што кажавте. Што да кажам? Навивачите ми даваат толку љубов и почит, тоа е неверојатно и затоа за мене е вистинско уживање да бидам на теренот“, изјави Модриќ.
Can I check your passport after the game, because it’s unbelievable, 37 years old and running for around 120 minutes.
Modrić: “I can give you after [the interview] if you want.” pic.twitter.com/lma2Xo3zIS
— Madrid Xtra (@MadridXtra) June 14, 2023