Холандија во следните три месеци воведува задолжително носење на маски
Во Холандија денеска стапи во сила закон со кој се воведува задолжителна употреба на заштитни маски со цел да се забави ширењето на коронавирусот. Обврската да се носат маски во јавни згради, вклучително и училишта, супермаркети и ресторани, ќе трае три месеци.
За оние што ги прекршуваат мерките, предвидени се казни до 95 евра. Владата на Холандија, земја во која делумно „заклучување” е во сила од 13 октомври, не препорачуваше носење маски од ткаенина од март до септември, освен во јавниот превоз, во согласност со советот на Националниот институт за здравство (РИВМ).
Сепак, на 30 септември, владата го смени ставот и одлучи „силно да советува” употреба на маски на јавни места со многу луѓе.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот