Халанд на првиот натпревар во Премиер лигата покажа каква машина за голови има Манчестер Сити
Само шест дена откако одигра очајно против Ливерпул во „Комјунити шилд“ и беше цел на бројни критики, Ерлинг Халанд во првото коло во Премиер лигата покажа каква „машина за голови“ има Сити во него.
Норвежанецот ги постигна двата гола за Манчестер сити во победата од 2:0 на гостувањето кај Вест Хем.
2 – Erling Haaland is the second Manchester City player to score a brace on his Premier League debut, following Sergio Agüero in August 2011. Heir. pic.twitter.com/gkPyTX7RKl
— OptaJoe (@OptaJoe) August 7, 2022
При постигнувањето на головите, Халанд го демонстрира тоа што го прави еден од најдобрите напаѓачи на светот, сила, координација, брзина и чувство за гол.
Во финишот од првиот дел, Халанд го отвори резултатот од пенал кој сам го изнуди. Во 65 минута, Халанд доби во простор одлична топка од Кевин де Брујне и немаше никакви проблеми да го совлада голманот Ареола.