Политичкиот аналитичар и поранешен министер за финансии, Џевдет Хајредини, ги коментираше актуелните политички случувања со борбата за парламентарно мнозинство.

„Да сака Апасиев, Заев сигурно и со него би го зголемил мнозинството“, напиша Хајредини на Фејсбук.

Неизвесно е каков е во моментов распоредот на силите во Собранието, откако минатата недела пропадна иницијативата за гласање недоверба на владата која ја организираше опозицијата, поради недоаѓањето на пратеникот Кастриот Реџепи од Беса на собраниската седница. Оттогаш, Беса го исклучи Реџепи од партијата, а лидерот на Алтернатива, Африм Гаши, навести дека четворицата пратеници на неговата партија би можеле да преминат на страната на владејачкото мнозинство.