Ракометарите на Охрид ја совладаа екипата на Бутел од Скопје 31:26 во 6 коло од плејофот.

По првото полувреме кое заврши нерешено 16:16, Охрид во вториот дел го презеде водството и не го испушти до самиот крај.

Најефикасен во редовите на ГРК Охрид беше Ќосевски со 9 гола, Кукуловски постигна 6, а Иванковиќ 5. Блажески мечот го заврши со 14 одбрани.

На спротивната страна доминираше Дејан Михајловиќ со седум голови, а Благојче Трајкоски имаше осум одбрани.

На табелата ГРК Охрид е третопласиран со 46 бодови, колку што има и второпласираниот Еурофарм Пелистер. Бутел Скопје е на шестото место со 22 бодови.

Пред почетокот на натпреварот екипите и присутните во салата „Билјанини извори“ со 1 минута молк му оддадоа почит на Љупчо Јаневски – ракометен делегат, кој почина по кратко боледување.