Новата грчка конзервативна влада соопшти дека ќе побара од своите доверители да ги ублажат фискалнте цели поставени во нивните договори со нив, во следните две години, соопшти Асошиетед прес.

Грчкиот претседател Стелиос Пацас вчера во Парламентот рече дека Атина ќе побара разговори со доверителите за да се постигне намалување на договорениот примарен буџетски суфицит (од 3,5 отсто од БДП во следната година).

– Ние сме решени да ја засилиме довербата во економијата, така што ќе пристапиме брзо кон реални реформи (…). Во 2020. година ќе побараме од нашите партнери примарните буџетски вишоци да бидат намалени до пореални нивоа – изјави Пецас.

Претходната влада Грција се согласи да го одржи примарниот буџетски суфицит од 3,5 проценти до 2022. година. Според доверителите тоа има клучно значење за зачувување на одржливоста на грчкиот државен долг и засега тие реагираат „ладно“ на идејата за повторни преговори за целите.

Ова прашање беше дискутирано минатата недела во Атина помеѓу високи претставници на меѓународните институции и министрите од новата влада.