Се проценува дека 200.000 луѓе во Хонгконг живеат во станови со големина од 15 метри квадратни, а во нив е невозможно да се држи социјална дистанца, пишува Си-Ен-Ен.

Лум Чаи има 45 години и пред пандемијата, како што рекол за Си-Ен-ЕН, од својот скромен стан, одел во градот за да избега од соседите, но сега тоа е невозможно.

Станува збор за минијатурни станови, со големина на сандаци, кои ОН веќе ги нарекоа „навреда за човечкото достоинство“. Тоа се простории во кои има доволно место единствено за кревет и малку облека, а соседот е на помалку од пола метар од него.

Купатилата во таканаречените „станови-кафези“ се заеднички, а често и воопшто нема кујни. Становите се одделени единствено со импровизирани или преградни ѕидови.

Лим плаќа кирија од 232 долари, пишува Си-Ен-Ен, а живее во станот со уште 10 лица.

Хонгконг е познат како град на банкари, но таму најмногу се забележува разлика меѓу социјалните класи. Тој е еден од најгусто населените градови на светот со 6.544 жители на квадратен километар.

Епидемијата влијаела тие разлики уште толку да се продлабочат, па многу кои живеат во „становите кафези“ останале без дом, бидејќи не можеле да ја плаќаат киријата.

Според последните податоци во Хонгконг се забележани 1.038 случаи на заразени со коронавирус, а починати се четворица.