Новак Ѓоковиќ потешко од очекувањата ја започна одбраната на трофејот во Австралија Опен, губејќи сет уште во првото коло. Ѓоковиќ кој во Мелбурн ја има улогата на втор носител, со 3:1 во сетови (7:6,6:2,2:6,6:1) го победи Јан-Ленард Штруф.

Ѓоковиќ првиот сет го реши во тај брејкот, а во вториот сет беше убедлив победувајќи со 6:2. Изненадувачки, Штруф го освои третиот сет, но одговорот на Ѓоковиќ во четвртиот сет беше брутален дозволувајќи му само еден гем на својот ривал.

Најголемото изненадување во првиот ден во Мелбурн кој го одбележа дождот и одложи дури 32 меча, е елиминацијата на Американката Слоун Стивенс. Поранешната победничка на УС Опен загуби од Шуаи Жанг со 1:2 во сетови (6:2,5:7,2:6).