Ѓоковиќ: Одлуката за настап на УС Опен ја донесов пред Надал
Српскиот тенисер е главен фаворит за триумф на грен слем турнирот во Њујорк каде нема да играат неговите најголеми ривали Рожер Федерер и Рафаел Надал.
За Федерер од поодамна се знаеше дека нема да игра на УС Опен бидејќи по двојната операција на коленото, Швајцарецот изјави дека сезоната за него е готова. Надал неодамна донесе конечна одлука да не ја брани титулата во Њујорк поради страв од коронавирусот и одлучи да остане во Европа и да се подготвува за Ролан Гарос.
Последен од големата тениска тројка кој донесе одлука е токму Ѓоковиќ.
– Одлуката за настап на УС Опен не ја донесов бидејќи Надал се повлече. Знам дека тоа се зборовите кои сите сакаат да ги слушнат, но одлуката ја донесов уште пред неколку месеци бидејќи сакав сезоната да ја продолжам на подлогата на која се чувствувам најдобро и имам најголеми успеси – бетонот. Сакам да играм на тука, но исто така не бев 100% сигурен дека ќе дојдам во САД се додека не ги разгледам сите опции – вели Ѓоковиќ.
Големо влијание во одлуката на Ѓоковиќ да игра на Мастерс Синсинати и на УС Опен во Њујорк, е дозволата на Тениската федерација на САД (УСТА) да им дозволи на тенисерите да не престојуваат во избраните хотели туку да можат да си изнајмат приватно сместување но ќе мора да бидат под бидното око на здравствената комисија за да се намали ризикот од коронавирусот.
– Работите брзо се менуваат. Мораме да ги профатиме одлуките на УСТА и на медицинската комисија на Њујорк. Тешко е, но јас ќе останам во приватно сместување – додава Новак Ѓоковиќ.