Одличен резултат за најдобрата македонска тенисерка Лина Ѓорческа која попладнево со победата во полуфиналето на ИТФ фјучрсот W75 Рим над хрватската тенисерка Петра Марчинко од 2-1 во сетови (57 62 61) избори финале.

Ова за орческа е второто финале во 2024 година (во март играше во Ларнака, Кипар), а вкупно 35.то во кариерата и има 13.титули. Воедно ова е финале на турнир со најголем награден фонд на кој ќе игра – 75.000 долари, претходно имаше два настапа на турнири од категоријата W60 на кои победуваше.

Самиот меч почна о брејк на македонската тенисерка, а во првите четири гема нитуи една тенисерка не успеваше да освои гем на свој сервис. Хрватката Марчинко поведе со 3:2 во гемови, но Ѓорческа врати и имаше водство од 5:3 во гемови, но до крајот на сетот освои само пет поени, а ривалката четири гема за да го освои првиот сет со 7:5 и водство од 1-0.

Во вториот сет повторно на стартот брејк за Ѓорческа, која по 1:1 во гемови направи серија од три гема за предност од 4:1 и сетот го заврши со 6:2 во гемови и успеа да изедначи. Дека е решена да игра финале македонската тенисерка покажа во решавачкиот сет кога поведе со 4:0 во гемови, што беше најава за победата во полуфиналето, откако сетот го заврши со 6:1 во гемови.

Мечот траеше 102 минути. Ѓорческа имаше 6 ас сервиси, а Марчинко само 1, а двојните сервис грешки беа значително намалени 4 за Лина, а 14 за хрватската тенисерка. Во вкупниот број на поени скорот беше 102:81 за Ѓорческа, а во вториот и третиот сет 62:36.

Во финалето противничка ќе и биде Оксана Селехметева од Русија (21 година, 415.место ВТА), која со убедливи 2-0 во сетови (60 62) ја победи Леа Бошковиќ од Хрватска. Селехметева најдобриот ранг во кариерата го имала на 8.август 2022 година кога била пласирана на 138-то место на ВТА: