Ги носам „до смрт“: Анџелина Џоли паузира со актерството и вложува во нов бизнис
Анџелина Џоли реши да направи мала пауза од актерството за да се фокусира на започнување нов бизнис. Актерката напорно работи на создавање линија на облека и накит.
Џоли веќе поднела барање за заштита на брендот наречен „Atelier Jolie“. На овој проект работи една година и се надева дека барањето наскоро ќе биде одобрено, пишува „Daily mail“.
„Таа е голем поборник за одржлива мода и тоа е нешто на што ќе се фокусира. Новиот бизнис е сè уште во зародиш“, изјавил извор за американските медиуми.
Неодамна во интервју за магазинот „Vogue“ зборуваше зошто ја поддржува одржливата мода.
„Вложувам во квалитетни парчиња облека, а потоа ги носам „до смрт“. Немам проблем да носам чизми, капут или чанта долго време. Освен тоа, купувањето облека од втора рака е и чекор кон одржлива иднина“, рече таа.
ФОТО | Дали е ова новото момче на Анџелина Џоли? Уловена е на романтичен ручек со згоден милијардер