Францускиот канал ТМЦ го емитуваше документарниот филм „Михаел Шумахер: Во потрага по вистината” во кој се открива вистинската состојба на Шумахер но и за прогнозите за здравјето на седумкратниот Ф1 шампион.

Германскиот невролог Ерих Ридерер, кој е дел од медицинскиот тим кој се грижи за здравјето на Шумахер, открива дека поранешниот Формула 1 возач е подобар отколку што беше претходно, но сепак нема многу позитивни вести.
– Михаел Шумахер е буден, дише, срцето има добар ритам. Веројатно може и да се седне, дури и да направи некој чекор со помош на луѓето околу него, но не повеќе од тоа – ги кажа Ридерер охрабрувачките зборови, но иднинатата за здравјето на Шумахер не е толку светла.

Според германскиот професор по неврологија, седумкратниот Ф1 шампион не е во состојба која може да донесе целосно опоравување.
– Мислам дека ова е највеќе што ќе може да направи. Повредите кои ги задоби се трајни и не постои реверзибилен процес кој би го вратил во претходна состојба. Тој е во вегетативна состојба, што значи дека е буден, но не одговара – изјави Ридерер, а пренесува италијанскиот „Кориере дело Спорт“.

Михаел Шумахер доживеа тешка повреда на 29. декември 2013 година откако при скијање на француските Алпи падна и со главата удри во камен. Веднаш падна во кома и поради сериозните повреди итно е префрлен во болница, а потоа и во семејниот дом во Швајцарија, каде веќе седум ипол години се лечи и тоа далеку од очите на јавноста.