Француската Влада се чини без алтернатива: Рестораните и кафулињата пред затворање?
Официјален Париз се подготвува за нови рестриктивни мерки во борбата со коронавирусот по рекордните 16.972 нови случаи на болеста што вчера беа потврдени.
– Покрај растот на нови случаи, изгледа дека Владата нема друг избор освен да го забрани социјалниот и економски живот во градот, пишува „Гардијан“.
Францускиот министер за здравство, Оливие Веран во четвртокот најави дека воведувањето на дополнителни рестрикции може да се избегне само доколку стапката на инфекции почне да опаѓа. Но, имајчи го предвид вчерашниот рекорд, се чини дека нема алтернатива за новите мерки во Франција.
Статистичките податови на регионалната здравствена агенција АРС покажуваат дека бројот на заразени во Париз и натаму е под 250 на 100.000 жители, што е горна граница за објава на максимално предупредување од ковид-19.
Од почетокот на пандемијата на ковид-19, во Франција се заболени над 600.000 луѓе додека како последица на вирусот досега починаа 32.000 пациенти.