Македонската пејачка Бојана Скендеровски вчера го прослави нејзиниот 40. роденден. Со оглед на тоа што датумот на нејзиниот роденден се совпаѓа со Денот на вљубените, таа направи прослава во знакот на љубовта и виното.

Пејачката го помина овој ден со најблиските – сопругот, децата, родителите и сестра ѝ.

„Добредојдовте 40 и со букви (четириесетти). Бидете добри, ветувам дека ќе останам искрена и верна кон сѐ што сакам да остварам.

Господе, ти благодарам што ми го овозможи сето ова – здравје, семејство, љубов, пријатели. Среќна сум со сѐ што живеам и имам.

Пријатели, јас сум богата жена – духовно. Денешниот ден ми го направивте посебен со секој момент и гест што го направивте и со секоја убава мисла што ми ја испративте.

Да сте живи и здрави, одиме понатаму!“, напиша Скендеровски во описот на фотографиите.