ФОТО+ВИДЕО: Попушти автобуската блокада на Скопје, зајакна полициската поради дојавите за бомби

Дојава за бомба кај Транспортен Центар го затвори булеварот/Фото: Слободен печат/Драган Митрески

По четиридневната блокада на трите клучни крстосници во Скопје, кај Владата, кај Црвен Крст и кај ТЦ Мавровка и повлекувањето на приватните автобуски превозници само на потегот кај Градското Собрание на булеварот Илинден, од утрово градот е повторно со ограничен опсег на движење на пешаците и возилата поради дојавите за бомби не само во средните училишта туку и на клучни деловни објекти и станбени згради. Утрово дури мета на закани беше и полициската станица Центар.

-На електронска адреса на седум средни училишта во Скопје е упатена закана за поставена експлозивна нaправа. Закани на електронска адреса за поставена експлозивна направа и добија и  ТЦ Ист Гејт, ТЦ Бисер, Транспортен центар, Флатирон и ПС Центар. Веднаш се преземени неопходните мерки за безбедно евакуирање на објектите и во тек се антитерористички проверки и се преземаат мерки за расчистување на случајот, соопшти МВР.

Центарот на Градот повторно се најде под блокада овој пат од страна на полициските и антитерористичките единици.

Испразнет Ист Гејт Мол/Фото: Слободен печат/Драган Митрески
Посетителите и вработените останаа надвор пред Ист Гејт Мол /Фото: Слободен печат/Драган Митрески
Антитерористичката единица пред Ист Гејт Мол /Фото: Слободен печат/Драган Митрески
Сообраќајот се одвиваше со застој пред Ист Гејт Мол/Фото: Слободен печат/Драган Митрески
Дел од возилата беа пренасочувани па се создаде голема гужва и застор пред Ист Гејт Мол/Фото: Слободен печат/Драган Митрески
Дојава за поставена бомба имаше и за Транспортен центар/Фото: Слободен печат/Драган Митрески

 

Видео на денот