Египетски стручњаци за антиквитети потврдија дека пронашле скриен внатрешен коридор, под главниот влез на Големата Пирамида во Гиза.

Видео од ендоскоп ја покажува внатрешноста на коридорот, кој е 9 метри долг и 2,1 метар широк.

Официјалните лица велат дека веројатно е создаден за да се прераспредели тежината на пирамидата околу влезот или друга, сè уште неоткриена комора, објави „Би-би-си“.

The new Great Pyramid corridor… Is it a dead end? 🤔 The mystery deepens pic.twitter.com/SmXH8IZrE1

— Matt Sibson (@MattSibson) March 2, 2023

За првпат е детектирана во 2016 година, со користење на техника на слика наречена муографија.

Тим научници од „Скенпирамидс проџект“ („ScanPyramids Project“), можеа да ги почувствуваат промените во густината внатре во пирамидата, анализирајќи ги мионите кои продираат во неа, а се нуспроизводи на космичките зраци кои само делумно се апсорбираат од каменот.

Неинвазивната техника детектирала празен простор зад северната страна на Големата Пирамида, околу 7 метри над главниот влез, во простор каде што има камена шевронска структура.

Снимките од камерата биле откриени на конференција одржана покрај пирамидата во четвртокот. Бил прикажан празен коридор со ѕидови направени од грубо обработени камени блокови и камен таван.

„Ќе продолжиме да скенираме и ќе се обидеме да дознаеме што има под коридорот или пак, зад него“, изјави Мостафа Вазири, шеф на египетскиот совет за антиквитети.

Големата Пирамида која е висока 146 метри, била изградена на платото во Газа, во времето на четвртата династија на фараонот Куфу или Кеопс, кој владеел од 2609 г.п.н.е. до 2584 г.п.н.е.

Иако е едно од најстарите и најголеми споменици на земјата, сѐ уште нема консензус за тоа како е изградена.

Висока е 146 метри, што е највисоката градба која човештвото ја изградило до Ајфеловата кула во Париз во 1889 година, пренесува Фена.