Жестоки судири меѓу полицијата и демонстрантите против новите ограничувања воведени во врска со пандемијата на коронавирус, избувнаа од вчеравечер во повеќе градови низ Шпанија, јавија шпанските медиуми.

Police run away from protesters in #Burgos #Spain during anti #lockdown protests #Lockdown2 #ConfinementActe2 pic.twitter.com/28zsgMVdUq

— Global News (@GlbBreakNews) October 31, 2020

Немири избувнале во Барселона, Билбао, Бургос, Сантандер, Валенсија и Леон. Според извештаите во медиумите, 29 полицајци и седум демонстранти биле повредени, а 32 лица биле уапсени.

Во многу случаи, се чини дека насилството го поттикнале екстремно десничарските групи поврзани со фудбалски клубови, според полицијата.

Дневниот весник Ла Вангардија и државната телевизија РТВЕ објавија дека стотици луѓе се тепале со полицајците во Барселона до доцна во ноќта.

Тие фрлаа тули кон полицајците, запалиле канти за отпадоци и ограбиле неколку продавници. Уапсени се 12 лица.

За насилството полицијата ги обвини членовите на навивачкиот клуб Боиксос Ноис (Луди момчиња) од фудбалскиот клуб Барселона. Слични инциденти се случиле и во други градови.

Во Вилафранка дел Пендес во Каталонија, околу 120 млади луѓе повикувале на „ослободување“ од ограничувањата и се обиделе да упаднат во градското собрание, објави „Ла Вангуардија“.

Шпанија е една од најтешко погодените земји во Европа.

Парламентот во четвртокот го одобри продолжувањето на вонредната состојба во земјата до 9-ти мај. Неколку региони се затворени за патување. Жителите на Каталонија не смеат да ги напуштаат своите градови за време на викендот.

If the BBC or Sky fail to show you the police violence and the popular defiance all over #Spain this evening, remember this fine example of how #fakenews is the facts they DON’T let you know as well as the lies they tell.#lockdownrebellion pic.twitter.com/vImlWchbqY

— John Fitzpatrick (@JohnFit01742181) October 30, 2020

Многу градови, вклучително и Барселона, вовеле полициски час во текот на ноќта.

Училиштата и градинките сè уште се отворени, но рестораните, театрите, кината и спортските сали мораа да ги затворат вратите.