Американскиот претседател Доналд Трамп и неговиот противкандидат, поранешниот потпретседател и сенатор Џо Бајден, ќе ја имаат последната дебата ноќва, 12 дена пред претседателските избори на 3 ноември. Дебатата ќе се одржи на Универзитетот Белмонт во Нешвил, Тенеси, во 20 часот по локално време.

Дебатата ќе има шест тематски сегменти во кои секој кандидат ќе има две минути да одговори на прашањата што му ги постави модераторот и водител на NBC, Кристен Велкер. Темите ќе бидат: борба против ковид-19, американското семејство, раса во Америка, климатските промени, националната безбедност и лидерството.

Во секој случај, ова е последна шанса на Трамп да ја поништи многу убедливата предност што ја има Бајден во скоро сите анкети.

Just left the White House for the Great State of Tennessee! pic.twitter.com/s2ScYMTN9l

— Donald J. Trump (@realDonaldTrump) October 22, 2020

Што се однесува до електронските гласови (засновани на победи во одделни држави), Бајден во моментов може да смета на 232 електронски гласови, 10 повеќе отколку пред првата дебата, а Трамп само на 125. Сепак, за преостанатите 181 електорски глас, неизвесно е кој ќе ги добие.

Нивната прва дебата се одржа кон крајот на септември и беше многу хаотична. Со цел да се избегне фонијата од првата дискусија, микрофоните ќе бидат исклучени на кандидатот кој нема да има збор во одреден момент.

I’ve spent my entire career fighting for the middle class and standing up to the abuse of power.

Donald Trump has spent his entire career looking out for himself and abusing his power. pic.twitter.com/Vie5CP9wq7

— Joe Biden (@JoeBiden) October 22, 2020

Трамп често му упаѓаше во збор, а Бајден (77) го нарече 45. претседател на САД за „лажливец“, „расист“ и „кловн“, додека претседателот му одговори дека во него нема воопшто интелигенција.

Нема индикации дека овој пат тонот на дебатата, што се одржува во петок вечер по средноевропско време, може да биде пољубезен или конструктивен. Двајцата кандидати ќе бидат одделени со плексиглас поради заштита од ковид-19, што не беше случај на првата дебата.