Британскиот крал Чарлс Трети и сите членови на потестното кралско семејство вечерва се собраа во четвртокот вечерта во Бакингемската палата за да го дочекаат ковчегот со починатата кралица Елизабета Втора, а на улиците на Лондон, илјадници луѓе ја испратија нивната кралица на последното патување.

Кралицата почина минатиот четврток во својата летна резиденција, замокот Балморал во Шкотска, на 97-годишна возраст. Таа беше најдолговечниот британски монарх, а на тронот остана 70 години и 7 месеци. Нејзиното тело беше пренесено во катедралата „Сент Џајлс“ во Единбург, а денеска, со авион на Кралското британско воздухопловство, во Лондон.

„Ми преставуваше чест и привилегија да бидам со неа на нејзините последни патувања. Ме разнежнија љубовта и почитта кои толку многу луѓе ги изразија на овие патувања“, вели принцезата Ана во писмената изјава за јавноста.

Утре ковчегот на кралицата Елизабета, поставен на топовски лафет и во голема воена поворка, ќе го мине патот до Вестминстер Хол, зградата на британскиот Парламент, каде ќе остане до закопот на 19 септември. Граѓаните ќе може да минуваат покрај ковчегот 24 часа на ден, до утрото на денот на погребот, на кој ќе присуствуваат десетици светски челници, вклучително и американскиот претседател Џо Бајден.