Голманот на македонската фудбалска репрезентација, Столе Димитриевски, заплови во брачните води со својата долгогодишна љубов Ирина. Парот организираше интимна венчавка во Шпанија, далеку од очите на јавноста, во присуство на најблиските пријатели и семејството.

Иако церемонијата била скромна, атмосферата била полна со емоции и елеганција. Ирина блескала во сатенски венчален фустан кој совршено ја следи линијата на телото, комбиниран со бела крзнена наметка и бидермаер од нежни рози.

Димитриевски, кој често привлекува внимание со својот впечатлив моден стил, за овој посебен ден избра црн костум со два реда копчиња и бела кошула – едноставна, но беспрекорно елегантна комбинација.

На Инстаграм, двојката сподели неколку фотографии од свечениот ден – пред општинската зграда, во дворот на нивната куќа и во ресторан, каде што се наздравувало за почетокот на новото поглавје.