Актуелниот градоначалник на Град Скопје и кандидат за втор мандат на СДСМ и Коалицијата „Најдоброто за мојата општина“, Петре Шилегов вечерва на средби со граѓани во Општина Чаир зборуваше за завршените, но и идни проекти во оваа општина и за прашања што се од значење на чаирчани.

– Изминатите четири години, во овој дел од Скопје вложуваме како никогаш досега. Ако во минатото Чаир беше заборавено од градските власти, денес оваа општина се развива паралелно и забрзано со останатите скопски општини. Во Чаир, ја завршивме реконструкцијата на улиците „Кемал Сејфула”, „Втора Македонска Бригада”, „Македонско-Косовска Бригада”, „Џон Кенеди” и бул. „Крсте Петков Мисирков”, рече Шилегов.

Изградивме, додаде, два нови булевари, „Босна и Херцеговина“ и „Христијан Тодоровски Карпош“, го проширивме и доградивме бул.„Никола Карев“ (Пластичарска) и направиме нов кружен тек во Чаир на улицата „Кемал Сејфула“.

– Општина Чаир денес има нови и реконструирани велосипедски и пешачки тротоари во должина од 16 000 метри (од кои 5700 метри се нови тротоари). Извршена е и целосна реконструкција и опремување на училиштето Цветан Димов, како и набавени се прочистувачи на воздух за секоја училница. Ниту зеленилото не беше изоставено во оваа општина, напротив, засадени се над 1700 нови садници и уредени се над 63 000 метри квадратни јавни зелени површни, посочи Шилегов.

Извор: МИА

ВИДЕО | Поддршка за Шилегов од градоначалникот на Подгорица: Скопје се движи во вистинска насока