ФОТО | Потомокот на Хабсбурзите прогласен за најубав келнер на Октоберфест
Името на Серафим фон Хабсбург-Лотаринген одекна низ Германија, овој 22-годишен потомок на славната царица Сиси преку ноќ стана интернет-ѕвезда. Откако го сними својот работен ден како келнер на Октоберфест, младиот благородник беше прогласен за „најубав маж на фестивалот“, а британското списание „Татлер“ го вброи меѓу ѕвездите во подем на европската благородничка сцена.
Препорачано
Стекна слава преку ноќ
„Едноставно објавив на Тик-ток видео од мојот работен ден сосема обични работи што ги правев таму. По два дена, видеото имаше повеќе од два милиони прегледи, а луѓето одеднаш почнаа да зборуваат за мојот изглед“, раскажал Серафим.
Популарноста на Тик-ток предизвика голем медиумски интерес, а обожаватели од цела Европа доаѓале само за да го видат младиот човек за кого сите зборуваат.
„Беше неверојатно, но и лудо“, се сеќава тој. „Доаѓаа од Келн, од Берлин, патуваа со автобус само за да се фотографираат со мене.“ Додава дека пристигнувале и фанови од Австрија, Италија, Полска, Чешка и Франција.
View this post on Instagram
Животот на еден модерен благородник
Роден и пораснат во Минхен, Серафим слободното време го минувал возејќи мотор, скијајќи и тренирајќи во теретана.
„За мене, најважно е човекот да го цени своето тело. Тоа е првото што го добиваш и последното што земјата ќе ти го земе“, објаснува младиот благородник, кој неодамна ја запроси својата девојка Целина.
View this post on Instagram
Откако на 18 години се иселил од дома за да студира фитнес, признава дека имал бунтовна фаза.
„Неколку години бев мал бунтовник. Бев воспитан на многу традиционален начин, но сакав да го искусам животот и да го живеам на свој начин“, споделува тој. Неговиот живот, според Инстаграм, е комбинација од благородна елеганција и секојдневна едноставност.
Поврзаност со царицата Сиси
Серафим многу го цени своето славно наследство. Неговиот дедо Штефан, припадник на унгарската гранка на Хабсбурзите, израснал во замок и имал кафена мечка како домашно милениче.
„Кога почнала војната, морале да побегнат. Додека беше жив, ми раскажуваше дека спакувале сè и влегле во стар Мерцедес за да ја напуштат земјата“, вели Серафим.
View this post on Instagram
Особено е горд предок на најпозната австриската царица Елизабета, позната како Сиси.
„Мислам дека доста ѝ личам не била совршена кралица“, вели тој. „Била многу екстравагантна. Сè правела на свој начин. И јас сум таков. Таа беше бунтовничка, вистинска бунтовничка, а многу луѓе не знаат дека имала тетоважа.“
Навистина, царицата Сиси во 1888 година, на 51-годишна возраст, си тетовирала сидро на левото рамо.
Но не ги поврзуваат само тетоважите. И за Сиси, како и за Серафим, здравјето било од пресудна важност.
„Имала сопствена теретана во својата соба. Секој ден тренирала со часови, само за да ја одржува својата фигура“, раскажува тој. „За мене тоа е многу инспиративно. Многу сум горд што сум во роднинска врска со неа.“
