Во денот кога Македонија доби нов селектор, но и кога си замина големиот Васил Рингов, дојде и конфликтот помеѓу Горан Пандев и Игор Ангеловски.

Поранешниот селектор и капитен си разменија жестоки критики, иако не така одамна двајцата беа блиски соработници и едни од лидерите на репрезентацијата која се пласираше на историското Европско првенство во 2021 година.

Исто така токму и Ангеловски беше најзаслужниот што Горан Пандев се врати во репрезентацијата по неговото повлекување. Каков беше нивниот однос во минатото најдобро зборува и објавата на Пандев посветена на поранешниот селектор.

„20.10.2015, прв пат кога се сретнавме во вашите очи видов енергија, сигурност и голема желба да ја вратиш репрезентацијата во живот. Ги памтам твоите зборови кога ми рече дека ќе направите од репрезентацијата една голема фамилија и дека вашата цел е Македонија да се пласира на европско првенство. Сите овие години не беше лесно, имаше и многу препреки, но ти гордо ја чуваше нашата фамилија. Шефе, благодарам е малку да ти кажам, Вие го сплотивте цел македонски народ, направивте да се сакаме како браќа во репрезентација и да гинеме еден за друг. Затоа, сакам да ти кажам дека вечно ќе останеш во моето срце“, стои во објавата на Пандев од 2021 година.

Така од „шефе“, Пандев и Мрме денес дојдоа на „шарлатан“...

Преземено од: Спорт.ком.мк

ФОТО | Седлоски: Ова е голема чест и најголема одговорност во мојата кариера