ФОТО: Меџити, Беџети и Јакимовски свечено отворија џамија во Нерези
Пратеникот од редовите на ДУИ и поранешен градоначалник на Чаир, Изет Меџити, објави фотографии од свеченото отворање на новата џамија во скопско Нерези.
На отворањето, покрај градоначалникот на соседната општина Сарај, Блерим Беџети, присуствувал и градоначалникот на Општина Карпош,
Стевчо Јакимовски.
На настанот присуствувале и високи лица од Исламската верска заедница (ИВЗ), како и претставници на МПЦ-ОА од манастирот Свети Пантелејмон.
„Ја поздравувам конструктивноста што во овој процес ја покажа градоначалникот на општина Карпош, Стевче Јакимовски. За високата меѓуверска толеранција и соживот меѓу заедниците во нашиот град сведочи и присуството на претставници на црквата Свети Пантелејмон“, меѓу другото, напиша Меџити на Фејсбук.