Откако Аргентинците го прекинаа „постот“ од 36 години без освоено Светско првенство, интернетот беше преплавен со сцени од Лионел Меси, кој освен со сопругата и децата, според првичните информации, на теренот разменуваше емотивни прегратки и со својата мајка.

Сепак, аргентинските медиуми ја донесоа другата страна на приказната и нагласија дека се работи за грешка и го открија вистинскиот идентитет на жената со која Меси ја прослави големата победа.

Се појавија многу шпекулации за тоа која е мистериозната жена, а некои веруваа дека станува збор за член на семејството на Меси со оглед на нежноста на прегратката. Сепак, извештаите во Аргентина наведуваат дека таа е вработена во националниот тим.

Станува збор за Антонија Фариас, 42-годишна жена која долги години е готвачка во аргентинската репрезентација, а очигледно развила многу добар однос со играчите. Таа била составен дел од походот на Копа Америка минатата година, како и на титулата Финалисима на Вембли.

Postal completa de los cumpleañeros del día junto al Presidente: Leo Messi, el juvenil Nehuén Pérez y la chef Antonia. ¡Felicidades! 😁🎂 pic.twitter.com/CC1iVX0saE

— 🇦🇷 Selección Argentina ⭐⭐⭐ (@Argentina) June 24, 2018

Антонија отишла да готви за тимот и во Катар за Светското првенство – четири години откако го стори истото во Русија на последното финале.

Се вели дека готвачката е многу сакана од тимот, и поради нејзините кулинарски вештини и поради односот со екипата.

Според аргентинскиот весник „Clarin“, Фаријас е готвачка во националниот тим во последната деценија и редовно патува со тимот, пишува „Дејли мејл“.

Македонката Симона Аврамова го нашминка Лионел Меси на култната фотографија со Кристијано Роналдо

ФОТО+ВИДЕО | Tурскиот готвач Нусрет на мета од критики: две години не ја посетил мајка си, каква срамота!