ФОТО | Избран идеалниот тим во Лига на Европа, Хесус Навас играч на сезоната
Во текот на изминатата недела со финалето во средата во кое Севиља на пенали ја совлада Рома заврши сезоната во Лигата на Европа, а сега се поделени и признанијата за најдобрите во второто по ранг европско натпреварување.
Финалистите Севиља и Рома очекувано имаат најмногу играчи во идеалните 11, од двата табори има по четворица. Претставници на шпанскиот тим се голманот Боно, бековите Акуња и Хесус Навас Навас и хрватскиот фудбалер Иван Ракитиќ.
Пелегрини, Матиќ, Смолинг и Дибала се фудбалерите на Рома кои добија свое место во овој тим. Преостанатите позиции ги пополнија Рашфорд (Манчестер Јунајтед), Бонифаце (Унион СГ) и Тах (Баер Леверкузен).
Introducing the Europa League Team of the Season, selected by UEFA’s Technical Observer panel ✨#UEL pic.twitter.com/qaecTtoirP
— UEFA Europa League (@EuropaLeague) June 4, 2023
За најдобар фудбалер беше избран Хесус Навас кој Лигата на Европа ја освои по четврти пат во кариерата. Севиља е рекордер по бројот на освоени титули во ова натпреварување (седум).
🇪🇸 Jesús Navas takes the award after captaining Sevilla to a 7th #UEL title! 🙌
— UEFA Europa League (@EuropaLeague) June 4, 2023