Во „морето“ инстаграм-профили и блогови за храна, се издвојува еден со своето едноставно, но интересно име „Кокарче“, а во описот стои „Бележник од кујната на едно семејство“. Зад него стои Добрица Насевиќ, архитектка која за себе вели дека е голем креативец, од најрана возраст.

Таа овојпат ни сподели рецепт за браунис со малина, но со интересен трик во тестото.

Кокосот во овој рецепт е присутен во форма на брашно (фино мелено, да не се направи забуна со трошки/снегулки!), како шеќер и како масло. На тој начин е избегната потребата да се користи обично брашно и десертот (или ужинката ако мене ме прашувате) станува безглутенски.

Малините се многу добри другарки со кокос и чоколадо, па ги ставив и во смесата што се печеше и при сервирање, вели Добрица.

Состојки:

• – 45 гр кокосово брашно
• – 30 гр какао
• – 150 гр кокосов шеќер
• – 1/4 лажичка сол
• – 60 гр кокосово масло
• – 4 јајца
• – 1 лажичка рум екстракт или 1 лажица ликер по избор
• – 120 гр малини (свежи или замрзнати)

За сервирање:

• – 120 гр малини
• – 150 мл павлака
• – 1 лажичка ванила

 

View this post on Instagram

 

A post shared by Kokarche | Кокарче (@kokarche)

Подготовка:

Сувите состојки се мешаат во длабок сад со жица за подеднакво да се распоредат.

Во друг сад се матат јајцата, маслото и екстрактот од ванила.

Двете смеси се соединуваат така што сувите постепено се додаваат во влажните состојки.

Се истура сѐ во калап со димензии отприлика 20х20 см (мојот е 20х22, може да бидат и 2 мали калапи за леб), се редат/набоцкуваат малините и се пече во загреана рерна на 175 степени околу 30 минути.

Сервирајте со изматена павлака и малини.

 

View this post on Instagram

 

A post shared by Kokarche | Кокарче (@kokarche)