Американската актерка Дакота Џонсон (34) воодушеви со својот изглед на премиерата на нејзиниот нов филм „Мадам Веб“ („Madame Web“) во Лос Анџелес, САД.

Таа храбро ја покажа својата завидна фигура во сребрен мрежест фустан на „Гучи“, направен од блескав, сребрен материјал кој потсетува на темата на филмот. Исто така, екстремно длабокото деколте е нешто што го привлече вниманието на сите присутни.

Џонсон го искомбинира фустанот со црни сандали, а што се однесува до модните додатоци, актерката се одлучи за сребрен ѓердан на кој бил прикачен голем дијамантски привезок.

Да потсетиме, Дакота Џонсон ја игра главната улога во филмот, Касандра Веб. Таа е болничарка од Њујорк, која почнува да покажува знаци на видовитост. Принудена да се соочи со откритијата за нејзиното минато, таа мора да заштити три млади жени од мистериозен противник кој сака нивна смрт.

Покрај Џонсон, во филмот глумат и Сидни Свини, Селест О’Конор и Изабела Мерсед.