Претставници на Сојузот на Борци и пратеничката од СДСМ Бисера Костадиновска-Стојчевска денеска положија цвеќе и се поклонија пред споменикот на Јосип Броз Тито на Широк Сокак, објави локалната телевизија Тера.

29 ноември во социјалистичка Југославија се славеше како Ден на републиката, кога и Македонија беше дел од заедничката држава СФРЈ.

На овој ден во 1943 година во Јајце започнало Второто заседание на АВНОЈ, на кое Јосип Броз Тито е прогласен за Маршал на Југославија.

Денот на Републиката, кога на Македонија за првпат ѝ е призната државноста, а таа е вброена како рамноправна членка на идната федерација, се одбележуваше до 1991 година а по распаѓањето на Југославија. Празникот потоа престана официјално да се одбележува во сите држави кои произлегоа од некогашната СФРЈ.