ФОТО | Белграѓанка разголена се сончала на гробиштата на жртвите на геноцидот
Музејот на жртвите на геноцидот во Белград објави дека Гробиштата на ослободителите на Белград во Втората светска војна е еден од воените споменици кои „постојано се изложени на често и несоодветно однесување на голем број сограѓани“. Како пример ја истакнале девојката која токму таму се сончала, пишува „Индекс.хр“.
„Поради недоволната грижа на одговорните на градско и национално ниво, овој локалитет со текот на времето се претвори во простор за спортување, релаксација, а неодамна и за сончање. Призорот кој го виделе нашите колеги, стручњаците на Заводот за заштита на спомениците ма културата на Белград, сведочи за срамното и апсолутно неприфатливо однесување на еден на нашите сограѓанки кои за сончање ги избраа Гробиштата на ослободителите на Белград во Втората светска војна“, велат со фотографијата.
Тие додаваат дека „непристојно, срамно и недозволиво однесување било забележано од бројни сограѓани на други воени споменици, места за егзекуција и логори на смртта од периодот на Втората светска војна“. Велат и дека „апелирале до одговорните во локалните самоуправи, надлежните министерства и јавните обвинителства, без одлагање да реагираат на ваквите постапки и соодветно да ги санкционираат“.
Многу жители на Белград се согласија со објавата на музејот и ваквото однесување го нарекоа „скандалозно“ во коментарите.