ФК Академија Пандев: Дали милионските вложувања на нашиот сопственик се правилна одлука?
Во рамките од 14 коло од Првата македонска лига екипата на Академија Пандев загуби на домашен терен од Ренова со резултат 0:1.
Овој меч беше одигран на теренот на Спортскиот центар „Пандев“ во Струмица, стрелец на голот за „гипсарите“ беше Шефит Шефити.
После завршувањето на дуелот фудбалскиот клуб Академија Пандев излезе со реакција, коментар на својата официјална фејсбук страница:
– Пораз од 0:1 против екипата на Ренова. Против еден противник можеби и ќе се боревме, но не бевме моќни и против судијата Стојанче Трпчевски кој денеска беше дојден/пратен во Струмица со цел да ѝ наштети на Академија Пандев. Не бараме алиби за слабите резултати оваа сезона, но се доведуваме во ситуација да размислиме дали милионските вложувања на нашиот сопственик во македонскиот фудбал се правилна оклука. За македонскиот фудбал да оди напред, мора работите да се менуваат од корен..- напишаа од ФК Академија Пандев.
Не се најдобри резултатите сезонава за „пандевци“, до сега од 14 одиграни мечеви имаат вкупно 10 порази, три победи и едно реми за моментно 11 претпоследна позиција во опасната зона за испаѓање од лигата.