Како што е веќе познато, Наталиа Илиевска Божиновска е нов Генерален секретар во Фудбалската федерација на Македонија како наследник на Филип Поповски.

Тој се заблагодарува на соработката во изминатите два мандати на Генерален секретар на ФФМ.

– Почитувани медиуми, Почитувани партнери, Дозволете да ви се заблагодарам на соработката во изминатите два мандати како Генерален секретар на Фудбалската федерација на Македонија.

Заедно постигнавме многу успеси, но и лоши моменти кои се дел од фудбалскиот свет. Драго ми е што како мој наследник доаѓа колешката Наталиа Илиевска Божиновска за нов Генерален секретар кое во согласност со нашите цели опишани во Стратегијата за развој на женски фудбал и обезбедување на поголема родова еднаквост во Федерацијата. Ве замолувам да и ја пружите истата поддршка како што ми ја пруживте и мене. Верувам дека со ова сме пример не само кај спортските организации во државата, туку и во регионот – се зборовите на Поповски.

Поповски воедно вели дека и понатаму останува во ФФМ работејќи на започнатите проекти согласно стратешките планови.