Одржана седницата на УО на ФФМ: Назначен нов Генерален секретар, нема отказ за Милевски
Се најавуваше отказ, но по денешната седница на УО на ФФМ, Благоја Милевски останува селектор на фудбалската репрезентација на Македонија.
Од „Куќата на фудбалот“ информираа за одлуките кои се донесени, а помеѓу нив не е отказ за Милевски. Новост во федерацијата по денешната седница е именувањето на Наталиа Илиевска Божиновска за нов Генерален секретар.
Одлуките кои се донесени:
– Усвоени се пропозициите за Куп натпреварувањето за сезона 2023/24.
– Донесена е одлука за користење на средствата од Форвард 3 и Форвард 2 програмата на ФИФА за инвестициските проекти.
– Усвоени се судиските, контролорските и делегатските листи за сезона 2023/24.
– По истекот на вториот четиригодишен мандат на Генералниот секретар Филип Поповски, Управниот одбор го констатираше престанокот на законски утврдениот максимален мандат.
– На седницата на Управниот одбор за нов Генерален секретар се назначи Наталиа Илиевска Божиновска вработена во генералниот секретаријат на ФФМ.
